பரீட்சையில் அதிக மதிப்பெண் பெறவும், நல்ல வேலையொன்றை பெற்றுக்கொள்ளவும், உங்கள் வியாபாரத்தில் வாடிக்கையாளர்களை ஈர்க்கவும் ஆங்கிலத்தில் சிறந்த எழுத்துத் திறன் இருப்பது மிகவும் முக்கியமானதாகும்.
ஆங்கிலத்தில் நன்றாக எழுதுவது எளிதல்ல, அப்படி நன்றாக எழுதுவது சில சமயங்களில் முக்கியமானதல்ல எனவும் தோன்றலாம். எல்லாவற்றிற்கும் மேலாக, ஸ்மார்ட்போன்களுடன் இணைந்த தொழிநுட்பப் புரட்சியின் யுகத்தில் நாங்கள் வாழ்கிறோம். உங்களுக்கு எழுதுவது பிடிக்கவில்லை என்றால், தொடர்பாடலுக்கு மேலும் பல வழிகள் உள்ளன. இன்று ஒரு எமோஜி (emoji) வழியாக மட்டும் கூட உங்கள் கருத்தை தெரிவித்துவிடலாம்.
இருப்பினும், உங்கள் கல்வி நடவடிக்கைகளை வெற்றிகரமாக நிறைவு செய்யவும், ஒரு வியாபாரத்தை ஆரம்பித்து அதை நடாத்திச் செல்லவும், அல்லது ஒரு நல்ல வேலைவாய்ப்பினைப் பெற்றுக்கொள்ளவும் உங்கள் எழுதும் திறனை வளர்த்துக்கொள்வது மிக முக்கியமானதாகும்.
ஆங்கிலத்தில் நன்றாக எழுதக் கற்றுக்கொள்வது என்பது ஒரு எளிதான விடயமல்ல. இருந்தபோதிலும் உங்கள் எழுத்துத் திறனை ஆன்லைனில், வீட்டிலிருந்து, இலவசமாகவே மேம்படுத்திக்கொள்ள பல வழிகள் உள்ளன. அவற்றை சரியான முறையில் தேடி கற்றுக்கொண்டால் உங்களாலும் ஆங்கிலத்தில் சிறந்த முறையில் எழுத முடியும்.
மேலும், ஆங்கில செய்தித்தாள்கள், செய்தி இணையதளங்கள் போன்றவற்றை தினசரி பார்வையிடும் பழக்கத்தை ஏற்படுத்திக்கொள்ளுங்கள். அவற்றில் உள்ள கட்டுரைகளில் உள்ள வாக்கிய அமைப்புகளை ஆராய்ந்து அவற்றை விளங்கிக்கொள்ள முயற்சி செய்யுங்கள். இவ்வாறு உங்களால் சுயமாகவும் உங்கள் எழுதும் திறனை வளர்த்துக்கொள்ள முடியும்.